Системот „Безбеден град“ во периодот од 1 до 31 мај 2026 година регистрирал вкупно 28.494 сообраќајни прекршоци на подрачјата на градовите и коридорите каде се поставени надзорни камери.
Според официјалните податоци, најголемиот дел од прекршоците, односно 27.360, се однесуваат на управување на возило со брзина поголема од дозволената. Дополнително, регистрирани се 833 случаи на управување со возило со истечена важност на сообраќајната дозвола, како и 301 прекршок за поминување на црвено светло.
Во истиот период изречени се и вкупно 781 мерка забрана за управување со моторно возило. Од нив, 295 се однесуваат на минување на црвено светло, додека 486 се поврзани со прекумерна брзина.
Од прекршоците за брзо возење, 347 се за брзина поголема од 80 километри на час над дозволеното во населено место, 86 случаи за надминување на ограничувањето за повеќе од 10 км/ч кај возила со сопствено ограничување, како и 83 прекршоци за возење со брзина поголема од 170 километри на час во ненаселено место.
Од МВР посочуваат дека системот „Безбеден град“ продолжува со засилено следење на сообраќајот со цел зголемување на безбедноста и намалување на бројот на прекршоци на патиштата.
МОЖЕБИ ЌЕ ВЕ ИНТЕРЕСИРА:
