Поради планирани технички интервенции на електродистрибутивната мрежа, денеска дел од корисниците во општините Бутел и Карпош ќе останат без електрична енергија, информираат од ЕВН Македонија.
Според најавата, во периодот од 08:00 до 12:00 часот без струја ќе бидат корисниците од улиците „Костурска“ и „Тале Христов Слога“, како и објектите Клиника ВФВ и Санте Плус 3 во општина Бутел.
Прекин во снабдувањето со електрична енергија ќе има и во општина Карпош. Од 09:00 до 14:00 часот без струја ќе останат корисниците на улицата „Франце Прешер“, во близина на објектот со број 141.
Во текот на попладневните часови, односно од 12:00 до 14:00 часот, електрична енергија нема да имаат и корисниците од булеварот „Босна и Херцеговина“ и улицата „Боро Менков“ во општина Бутел.
Од ЕВН посочуваат дека прекините се дел од редовните активности за одржување и подобрување на сигурноста на електродистрибутивниот систем и апелираат до граѓаните навремено да ги организираат своите дневни обврски согласно најавените термини.
МОЖЕБИ ЌЕ ВЕ ИНТЕРЕСИРА:
