Матурантите денеска го започнуваат полагањето на државната матура, со што официјално стартува завршниот испитен процес за учениците од средните училишта во земјава.
Учениците кои завршиле гимназиско образование денеска ќе полагаат еден од избраните екстерни предмети – странски јазик, математика или историја. Вториот екстерен испит, по мајчин јазик и литература, е закажан за 11 јуни.
За матурантите од средните стручни училишта денешниот избор е меѓу англиски јазик и математика, додека испитот по македонски јазик ќе се одржи на 12 јуни.
Учениците од уметничките училишта ќе полагаат англиски јазик или историја, а на 12 јуни ќе го полагаат испитот по македонски јазик и литература.
Според најавите, годинава на завршните испити ќе учествуваат повеќе од 14.500 матуранти.
За првпат, согласно новите законски решенија во средното образование, се спроведуваат три различни видови завршни испити: државна матура, државна стручна матура и државна уметничка матура.
МОЖЕБИ ЌЕ ВЕ ИНТЕРЕСИРА:
