Јавен обвинител од Основното јавно обвинителство Скопје отвори истражна постапка против две лица, браќа на возраст од 43 и 44 години, поради сомнение дека како соизвршители сториле кривично дело обид за убиство.
Според обвинителството, на 6 јуни во близина на авто-плац во селото Шишево, осомничените со умисла се обиделе да лишат од живот едно лице, при што во опасност ги довеле и животите на уште две лица.
Настанот произлегол од претходен сообраќаен инцидент во кој братот на оштетениот и едниот од осомничените со своите возила се допреле со ретровизорите при разминување, по што започнала вербална расправија. Во текот на конфликтот, осомничениот го фатил другиот учесник за врат и му се заканувал, но двајца сведоци успеале да ја смират ситуацијата.
Подоцна, оштетениот ја зел сопругата од работа и го повикал својот брат за да провери дали патот е безбеден за враќање. Според сомневањата, двајцата осомничени браќа во меѓувреме се сокриле во грмушки во близина на местото каде што претходно се случил инцидентот и вооружени со пиштоли чекале да поминат.
Истрагата треба да ги утврди сите околности поврзани со случајот, како и улогата на секој од осомничените во настанот.
МОЖЕБИ ЌЕ ВЕ ИНТЕРЕСИРА:
