Времето денеска ќе биде променливо облачно и топло со подолги сончеви периоди, но во попладневните часови се очекува развој на локална нестабилност проследена со пороен дожд, грмежи и засилен ветер.
Според прогнозата, на одделни места атмосферските процеси може да бидат поинтензивни, со пообилни врнежи и услови за појава на град. Ќе дува слаб до умерен ветер од променлив правец.
Утринските температури ќе се движат од 10 до 17 степени, додека дневните ќе достигнат меѓу 25 и 31 степен Целзиусов.
Во Скопје ќе преовладува променливо облачно и топло време со сончеви периоди. Во попладневните часови во делови од котлината ќе има услови за нестабилност со пороен дожд, грмежи и засилен ветер. Максималната температура во главниот град ќе достигне до 31 степен.
Од Управата за хидрометеоролошки работи информираат дека од утре па сѐ до почетокот на следната седмица ќе преовладува умерено облачно време со сончеви периоди. Се очекува умерен, а повремено и засилен ветер, кој претежно ќе дува од северен правец.
МОЖЕБИ ЌЕ ВЕ ИНТЕРЕСИРА:
