СВР Куманово поднесе кривична пријава против 57-годишен скопјанец и правно лице од Скопје поради сомнение дека сториле кривично дело даночно затајување.
Според информациите од полицискиот билтен, пријавениот, како управител и одговорно лице во компанијата, во периодот од 1 јануари до 31 декември 2023 година во деловните книги и даночните евиденции прикажувал расходи кои не биле даночно признаени, без соодветна документација, како и трошоци што не биле поврзани со вршењето на дејноста.
Со ваквите дејствија, како што наведува полицијата, неосновано ја намалил даночната основа и доставил даночни податоци кои не ја одразувале реалната состојба.
Според сомнежите, на овој начин избегнал плаќање данок на добивка во износ од 2.362.247 денари, со што се стекнал со противправна имотна корист.
МОЖЕБИ ЌЕ ВЕ ИНТЕРЕСИРА:
