Советот на Општина Брвеница на вонредна седница донесе одлуки за обезбедување континуитет во работата на локалната самоуправа, по прераната смрт на градоначалникот Јовица Илиевски.
Во согласност со Законот за локална самоуправа, советниците со мнозинство гласови го именуваа досегашниот претседател на Советот, Роберт Милошески, за вршител на должност градоначалник на Општина Брвеница.
Милошески ќе ја извршува функцијата до распишувањето и одржувањето на предвремените локални избори, кога граѓаните ќе изберат нов градоначалник.
Со преземањето на новата функција, неговиот мандат како претседател на Советот мирува, поради што Советот на истата седница го избра Мирослав Даиловски за нов претседател.
Од Општина Брвеница информираат дека институцијата ќе продолжи непречено да функционира, а тековните проекти и услугите кон граѓаните ќе се реализираат без прекин.
МОЖЕБИ ЌЕ ВЕ ИНТЕРЕСИРА:
