По седум децении, започна целосна реконструкција на спортската сала во Основното училиште „Панајот Гиновски“ во Општина Бутел, информираше градоначалникот Дарко Костовски.
Тој посочи дека дотраената сала ќе добие целосно нов изглед, при што ќе биде поставен нов под со современа спортска подлога, ќе се изградат нови соблекувални, а ќе бидат обновени и санитарните јазли.
Според Костовски, со проектот ќе се обезбедат подобри услови за одржување на наставата по физичко и здравствено образование, како и за реализација на сите училишни спортски активности.
Реконструкцијата се реализира со поддршка на Министерството за образование и наука. Градоначалникот потсети дека претходно училиштето добило нова енергетски ефикасна фасада и ново фудбалско игралиште со вештачка трева.
Воедно, тој најави дека наскоро ќе започне и доградбата на училиштето, со што ќе се создадат услови наставата да се одвива во една смена.
МОЖЕБИ ЌЕ ВЕ ИНТЕРЕСИРА:
