Вистинска среќа е што нема повредени откако силниот ветер што попладнево го зафати Скопје го урна огромниот јарбол со македонското знаме на кружниот тек кај хотелот „Континентал“.
Металната конструкција, која чинеше илјадници евра, се скрши под налетите на силниот ветер и падна на земја. Според првичните информации, во моментот на инцидентот немало лица во непосредна близина, со што беше избегната поголема трагедија.
Инцидентот е уште една од последиците од силното невреме што го погоди главниот град, при што беа регистрирани паднати дрвја, оштетени возила и блокирани сообраќајници на повеќе локации.
Надлежните служби се очекува да извршат увид и да ги утврдат околностите под кои дошло до уривањето на јарболот, како и евентуалната материјална штета.
МОЖЕБИ ЌЕ ВЕ ИНТЕРЕСИРА:
