Денеска се навршуваат 25 години од нападот кај Карпалак, еден од најтрагичните настани за македонската Армија за време на конфликтот во 2001 година, во кој животот го загубија десет припадници на Армијата на Република Македонија.
На 8 август 2001 година, на патниот правец Скопје – Тетово, во близина на селото Групчин кај месноста Карпалак, армиски конвој беше нападнат од заседа. Во нападот загинаа резервниот капетан Нане Наумоски, резервниот поручник Сашо Китановски, како и Горан Миновски, Ердоган Шабановски, Љубе Грујоски, Бранко Секулоски, Дарко Велјановски, Пеце Секуловски, Веби Рушитовски и Мирко Деспотовски, сите од Прилеп и прилепскиот регион.
По повод годишнината, делегација на Министерството за одбрана и Генералштабот на Армијата ќе положи свежо цвеќе на спомен-плочата кај Карпалак, во чест на загинатите бранители.
Во Прилеп, цвеќе ќе биде положено и пред спомен-обележјето посветено на македонските херои, каде ќе им биде оддадена почит на припадниците на Армијата кои ги загубија животите во нападот.
Карпалак останува симбол на жртвата на македонските бранители и потсетник на трагичните настани од 2001 година.
МОЖЕБИ ЌЕ ВЕ ИНТЕРЕСИРА:
