Јавноста беше сведок на непримерна изјава на повардарскиот митрополит Агатангел како и на скандалозна реакција на министерот за локална самоуправа Горан Милевски на прославата на верскиот празник Свети Трифун во Кавадарци. Изговореното од нивна страна предизвика реакции во јавноста. Но дали реагираа и сите кои треба да реагираат?
Владиката Агатангел реакциите ги предизвика со тоа што фаворизираше една партија.
-Ние Македонците сме емоционални луѓе, ние Македонците сме патриоти, ние си го сакаме својот македонски јазик и држава, својата македонска нација и сето она што е свето и македонско. И затоа примајќи ги овие свети молитви од овие наши дедовци и прадедовци, длабоко од душата и срцето верувам дека нашиот претседател на најголемата и најсвета партија ВМРО-ДПМНЕ, господинот Мицкоски, се ова што го дадовме, верувам дека ќе го вратиме назад. Првин со него, а потоа и со Божја помош, рече Агатангел.
Министерот Милевски, пак, со тешки – несоодветни зборови возврати на она што го кажа повардарскиот митрополит.
-Владиката е срам за мантијата. Како што црвите и мувите се штетни за лозарите, така и господинот Агатангел, ако може да гонаречам господин, е штетник за Црквата, за народот, за граѓаните. Црквата треба да се свести кој во нејзините редови е владика и кој го ушта на вакви настани каде гонапаѓа голем дел од македонското население, остро рече министерот Милевски.
Дали сето ова сега ќе помине и без реакција од Светиот Синод на МПЦ-ОА? Изјавата на синдоскиот портпарол владиката Тимотеј дека она што завчера го кажа повардарскиот митрополит Агатангел е негов „личен став“ досега е единствената црковна реакција. Останати владици, барем досега, не реагираа. Дали треба така и да остане?
Македонските владици, преку кои денеска се шири историската мисија на Македонската православна црква меѓу народот, треба ли да премолчат што еден од нив отворено и директно поддржува партија?
Исто така, треба ли Синодот да реагира и на скандалозната реакција министерот Горан Милевски? Оти квалификациите и навредите што тој ги искажа кон владиката Агатангел се непримерни, недостоинствени како начин на комуникација на еден претставник на државна власт во однос на еден верски достоинственик. Синодот немо ли ќе гледа како политичар гази еден нивен виден член?
А дали Владата ќе реагира на однесувањето на Милевски, е тоа е друго прашање на кое исто треба да се очекува одговор.
МОЖЕБИ ЌЕ ВЕ ИНТЕРЕСИРА:
