Како обид за „воено профитерство“ го оцени вчерашното однесување на дел од бензинските пумпи Марко Бислимовски, претседател на државата Регулаторна комисија за енергетика. Бројни граѓани вчера укажуваа и реагираа дека некои пумпи ја ограничуваат продажбата на горивата. Тоа придонесе до доцна во ноќта да се создаде паника дека ќе снема бензин и дека ќе растат цените, па се создадоа редици пред бензинските пумпи.
-Дел од малите трговци не се однесуваат фер и ја ограничуваат понудата и ја користат состојбата за профитерство оставајќи впечаток дека нема гориво. Во текот на денешниот ден, добивме укажувања од поголем број на потрошувачи кои посочуваат дека одредени трговци на мало со нафтени деривати ја ограничувале количината, односно сумата до која го продаваат горивото што се точи во автомобилите. Некои бензиски пумпи дозволувале до 500 денари да може едно возило да наполни гориво. Други пак не дозволуваат гориво да наполнат камионите. Тоа се воени профитери кои за да заработат нешто ситно на нечиј грб, но ние денес ќе доставиме известување до Обвинителството за таквите појави, рече денеска Бислимоски за „Утрински брифинг“.
Тој додаде дека во јавноста биле проширени шпекулациите дека цената на дизелот ќе порасне до 150 денари следната недела.
-Информациите што ги имам јас се дека имаме доволни количи нафтени резерви како држава. Нафтата што доаѓа во Македонија во најголем дел доаѓа од Грција. Но, Фејсбук стратезите вчера кренаа паника, рече Бислимоски.
МОЖЕБИ ЌЕ ВЕ ИНТЕРЕСИРА:
