Во Тетово е пријавен тежок случај на насилство врз тримесечно бебе, откако очевидци забележале жена како физички го малтретира детето на јавна површина и веднаш ја известиле полицијата.
Според информациите од СВР Тетово, случајот бил пријавен околу 16 часот, а настанот се случил половина час претходно. Граѓани кои го забележале инцидентот реагирале, го заштитиле детето и побарале интервенција од надлежните служби.
По брзата реакција на полицијата биле приведени 42-годишна жена од Прилеп и нејзиниот 37-годишен сопруг од Сараќино. За случајот бил известен и социјален работник, а детето е преземено од надлежните институции.
Од полицијата информираат дека по целосно документирање на настанот и во координација со јавен обвинител ќе бидат поднесени соодветни пријави.
Надлежните институции продолжуваат со утврдување на сите околности поврзани со случајот.
МОЖЕБИ ЌЕ ВЕ ИНТЕРЕСИРА:
