Делумна подготвеност за средба со лидерот на најголема опозициска партија ВМРО-ДПМНЕ Христојан Мицкоски искажаа денеска премиерот Димитар Ковачевски и лидерот на ДУИ Али Ахмети. Мицкоски неодама упати покана и ултиматум Ковачевски до 10 мај да му одговори кога ќе прифати лидерска за да се договори датумот за организирање предвремените парламентарни избори. Тој најави дека на средбата, до одржување на предвремените парламентарни избори, ќе понуди 4 тима кои би соработувале со владата во 4 те клучни области и тоа економија, надворешна политика, здравство и образование. Доколку Ковачевски не прифати Мицкоски најави и план „Б“ со кој би превзеле до сега непревземени чекори.
Премиерот Димитар Ковачевски тогаш децидно одговори дека не прифаќа такви средби односно уцени, ама денеска најави дека би седнал на разговор со опозицискиот лидер Мицкоски за важни актуелни теми.
-За мене неприфатливо е единствена точка во дијалогот да биде одредување датум за предвремени парламентарни избори. Собраниска блокада е неодговорно однесување и упатувам повик до пратениците на ВМРО-ДПМНЕ да се откажат од таквата намера која би стартувала од вторник, рече Ковачевски.
На слична линија е коалицискиот партнер на Ковачевски, Али Ахмети. И тој смета дека треба да има дијалог со опозицијата за важните теми, како што е проблемот со Бугарија, но не со уцени и блокади.
-Блокадите не се категорија за унапредување на демократијата. Мислам дека самите средби немаат ништо лошо во себе. Но, не со условувања, не со уцени, рече Ахмети.
Сега се чека како ќе им одговори лидерот на ВМРО-ДПМНЕ. Тој неколку пати до сега укажа дека предвремените избори се неопходниот излез од состојбата-кризата затоа што составот на оваа влада не може да ги решава проблемите во Македонија.
МОЖЕБИ ЌЕ ВЕ ИНТЕРЕСИРА:
