Христијан Мицкоски тврди дека ќе има и промена на учебници
Османи пак најавува дека и за овој француски предлог ќе има мнозинство во Собранието без разлика на тоа што се најавени блокади
На следната седница на Извршниот комитет на ВМРО-ДПМНЕ, ќе предложам да иницираме референдум за граѓаните да се изјаснат дали ги прифаќаат или не овие документи потпишани меѓу Македонија и Бугарија, најави лидерот на ВМРО-ДПМНЕ Христијан Мицкоски.
-Народот е суверен, тие се тие што ќе кажат. Ништо не е завршено за Македонија и македонскиот идентитет, преговарачката рамка не е усвоена, ако народот така одлучи ќе речеме во Брисел дајте ни друга преговарачка рамка – рече Мицкоски на Сител.
Тој гарантира оти сите пратеници на ВМРО-ДПМНЕ кои потпишале нотарски изјави нема да поддржат уставни измени во, како што рече, вакви услови и ваква ситуација.
Оваа генерација водство во ДУИ прави трајна штета во односите помеѓу Албанците и Македонците во Македонија, затоа што ова ќе има голема мемморија. Тие ги предадоа интересите на Македонците, нивните соседи и направија пакт со Бугарите за асимилација на Македонците. Раководството на ДУИ прави трајна штета. Не е свесен Бујар Османи сега, но животот е осцилација и не с езнае која генерација на Албанци во Македонија ќе имаат поддршка од страна на нивните соседи Македонци, истакна претседателот на ВМРО-ДПМНЕ Христијан Мицкоски при гостување во централниот дневник на Сител телевизија.
Мицкоски додаде дека трајната штета на ДУИ ќе остане во колективната меморија на македонскиот народ. Околу 75% Македонци се против францускиот предлог.