Риши Сунак ќе биде новиот британски премиер откако неговата противкандидатка Пени Мордонт ја повлече својата кандидатура за лидер на „ториевците“. Сунак е трет британски премиер за помалку од два месеци, по оставките на Трас и Џонсон. Тој ќе биде прв британски лидер со азиско потекло.
Претседателот на Комитетот 1922 година, Греам Брејди, денеска соопшти дека добил еден валиден формулар.
-Риши Сунак затоа е избран за лидер на Конзервативната партија, рече тој
Сунак, еден од најбогатите политичари во Вестминстер, ќе биде замолен да формира влада од кралот Чарлс, заменувајќи ја Лиз Трас, лидерката во заминување која издржа само 44 дена на оваа функција.
-Оваа одлука е историска и уште еднаш ја покажува различноста и талентот на нашата партија. Риши ја има мојата целосна поддршка, рече Мордонт во изјавата, повлекувајќи се од трката само неколку минути пред да биде објавен победникот.
Новиот премиер ќе има говор во Собранието во парламентот во 15.30 часот, а може да биде поставен уште утре – или можеби дури и вечерва.
Сунак доби јавна поддршка од преку 190 пратеници од ториевците – речиси половина од вкупниот број – собирајќи повеќе бројки кога додека истакнати поддржувачи на Борис Џонсон застанаа зад него.
Сунак ќе биде првиот не-бел премиер на земјата и со 42 години најмладиот од Наполеонските војни. Тој е Индус.
Сунак првпат беше избран за пратеник во 2015 година и помина две години на задните клупи, за време на кои „Брегзит“ доминираше во политичката агенда. Сунак го поддржа напуштањето на ЕУ за време на референдумот во 2016 година.
Тој потоа стана помлад министер во владата на Тереза Меј. Борис Џонсон му ја даде на Сунак својата прва голема владина улога кога првпат го назначи за главен секретар на Министерството за финансии во 2019 година и за министер во 2020 година. Сунак ја освои популарноста во првите недели од пандемијата кога објави обемен план за поддршка за оние кои не можат да работат за време на заклучувањето.
Сунак, чии родители дошле во Велика Британија од Источна Африка во 1960-тите, има индиско потекло. Неговиот татко бил локален лекар додека неговата мајка водела аптека во јужна Англија, нешто што Сунак вели дека му дало желба да ѝ служи на јавноста.
Но, Сунак се соочи со критики дека е елитист, бидејќи студирал на ексклузивниот колеџ Винчестер, како и на универзитетите во Оксфорд и Стенфорд. Тој е познат по својот скап вкус за мода и има работено за банки и хеџ фондови, вклучувајќи го и Голдман Сакс.
Сунак е под лупа и за даночните договори на неговата сопруга Акшата Мурти, ќерка на индиски милијардер. Претходно оваа година, Сунак и Мурти се појавија на 250-те најбогати луѓе во Обединетото Кралство на листата на „Сандеј тајмс“. Весникот ја процени нивната заедничка нето вредност на 826 милиони долари.
МОЖЕБИ ЌЕ ВЕ ИНТЕРЕСИРА:
