Министерот за надворешни работи и надворешна трговија Тимчо Муцунски, за време на работната посета на Вашингтон, оствари средба со заменик-државниот секретар на Соединетите Американски Држави, Кристофер Ландау.
По разговорот, Муцунски изјави дека Македонија и САД имаат блиски и усогласени ставови за повеќе значајни политички, економски и безбедносни прашања.
„Во отворен, пријателски и содржаен разговор ја потврдивме заедничката определба за натамошно јакнење на стратешкото партнерство и билатералната соработка, во интерес на граѓаните на двете држави“, истакна Муцунски.
Како што посочи министерот, меѓу главните теми на средбата биле соработката во рамки на НАТО, одбраната, економскиот развој, енергетиката и регионалното поврзување.
На разговорите биле разгледани и состојбите на Западен Балкан, при што бил истакнат придонесот на САД во зачувувањето на мирот, стабилноста и развојот на регионот.
Муцунски оцени дека партнерството со Вашингтон останува еден од клучните столбови на надворешната политика на Македонија и важен фактор за понатамошно унапредување на односите меѓу двете земји.
МОЖЕБИ ЌЕ ВЕ ИНТЕРЕСИРА:
