Кинеско всленско летало од новата генерација кое ќе биде управувано од човечки екипаж а ќе може да превезува до седум астронаути, би можело првпат да полета меѓу 2017 и 2008 година.
Кинеските вселенски летови со човечки екипаж започнаа во 2003 година кога поранешниот пилот на борбен авион Јанг Ливеи беше испратен во орбитата на Земјата во малата бронзена капсула „Шенжу-5“. Тој беше првиот Кинез во Вселента кого како херој го славеа милионите сонародници.
„Во иднина новата генерација вселенски летала ќе бидат користени во месечевите мисии со екипажи за градење на нашата вселенска станица и за истражување на космосот“, изјавил Јанг пред студенти, пренесува весникот на англиски јазик Guangzhou Daily.
Неодамнешните тестирања на повратната капсула во вселенско летало од следната генерациија биле „многу успешни“, а се проценува дека нивните први летови ќе бидат изведени меѓу 2027 и 2028 година, рекол Јанг кој сега е заменик на главниот дизајнер на кинескиот проект за кинеските вселенски летови со човечки екипаж.
Инаку, кинеското вселенско летало од новата генерација првпат беше тестирано во 2020 година.
Откако кинеската вселенска станица, наречена на англиски CSS а на кинески „Небесен дворец“, стана оперативна кон крајот на 2022 година, фокусот се врати на проектот испраќање астронаути (тајконаути, како што ги нарекуваат во Кина) на Месечината до 2030 година, а инженерите неодамна открија повеќе поединости од планот: од видовите ракети носачи кои ќе се користат до вселенските летала и другата опрема.
Сегашното кинеско вселенско летало „Шенжу“, базирано на рускиот „Сојуз“, може да понесе до тројца астронаута во ниската орбита на Земјата. Се состои од модул за одрживање на животот и пропулзија, модел во орбитат за кусотраен престој на луѓе, и капсула за нивното враќање на Земјата.
Новата генерација вселенски летала со екипаж ќе се состои од само два дела: пропулзиски и повратен модул, за да се овозможат поголеми модули и поголем капацитет на носивоста до седум лица, според најавата од 2020 година на Жанг Баинан, главниот дизајнер на пробната верзија на кинеското вселенско летало од новата генерација.
МОЖЕБИ ЌЕ ВЕ ИНТЕРЕСИРА:
