Екстремно десничарскиот министер за национална безбедност на Израел, Итамар Бен Гвир, изјави за Волстрит журнал дека неговата земја ќе добие поголема поддршка од САД доколку Доналд Трамп e претседател.
„Наместо да ни даде целосна поддршка (американскиот претседател Џо) Бајден е зафатен со давање хуманитарна помош и гориво (за Газа) што оди за Хамас“, рече Бен Гвир.
„Ако Трамп беше на власт, однесувањето на САД ќе беше сосема поинакво“, додаде министерот, лидер на партијата Окма Јехудит (Еврејски сили).
Гвир за американскиот весник изјави дека израелскиот премиер Бенјамин Нетанјаху е на крстопат и „мора да избере во која насока да оди“, но дека тој самиот нема намера да се повлече од сегашната влада, иако постојано се заканувал дека ќе го стори тоа.
И додека Израел и САД се обидуваат да постигнат договор за ослободување на преостанатите израелски заложници држени во Газа, една од најголемите пречки би можел да биде министерот Бен Гвир, кој стана „громобран“ на израелската ултрадесница, проценува Волстрит журнал.
МОЖЕБИ ЌЕ ВЕ ИНТЕРЕСИРА:
