Општина Илинден подготвува богата културно-уметничка програма по повод одбележувањето на 2 Август – Илинден и Денот на Општината.
Свечениот настан ќе се одржи на 24 јули 2026 година (петок) на новиот парк-плоштад во населеното место Марино, со почеток во 20:00 часот.
Пред присутните ќе настапат познатите македонски музички изведувачи Антониа Гиговска и Јордан Митев, кои ќе ги изведат своите најпознати хитови.
Од Општина Илинден велат дека преку организацијата на вакви настани продолжуваат да го унапредуваат културниот и општествениот живот, создавајќи можности за заедничко дружење на граѓаните и поддршка на домашната музичка сцена.
Локалната самоуправа ги поканува сите граѓани да присуствуваат на одбележувањето на Денот на Општина Илинден и да уживаат во празничната атмосфера и богатата музичка програма.
МОЖЕБИ ЌЕ ВЕ ИНТЕРЕСИРА:
