Градоначалникот на Општина Гази Баба, Бобан Стефковски, денеска додели решенија за субвенции за набавка на велосипеди.
Тој истакна дека овие субвенции не претставуваат само финансиска поддршка за купување велосипед, туку и инвестиција во поздрав начин на живот, почиста животна средина и подобра иднина за општината. Според него, секој нов велосипед на улиците значи помалку загадување, намален сообраќаен метеж и поголема грижа за здравјето на граѓаните.
Градоначалникот нагласи дека локалната самоуправа останува посветена на мерки и проекти кои носат директна корист за жителите и придонесуваат за подобрување на секојдневието.
Исто така, и градоначалникот на Општина Илинден, Александар Георгиевски, потпиша 67 решенија за доделување еднократна парична помош за набавка на велосипеди. Од општината посочија дека преку оваа мерка се придонесува за заштита на животната средина и намалување на загадувањето.
Финансиската поддршка изнесува 50 проценти од вредноста на велосипедот, но не повеќе од 4.000 денари по корисник. Од Општина Илинден ги известуваат граѓаните кои го оствариле правото на субвенција да ги подигнат решенијата од архивата на општината со цел реализација на исплатата.
МОЖЕБИ ЌЕ ВЕ ИНТЕРЕСИРА:
