Сенатот на САД го потврди назначувањето на Џеј Клејтон за нов директор на националното разузнавање, откако неговата номинација доби поддршка од 51 сенатор, додека 47 гласаа против.
Клејтон, кој досега ја извршуваше функцијата федерален обвинител за Јужниот округ на Њујорк, ја презема позицијата по неколкунеделно одложување на неговото именување. Американскиот претседател Доналд Трамп ја одложи номинацијата за да му овозможи на вршителот на должноста Бил Пулти да остане на функцијата уште неколку недели по оставката на Тулси Габард во мај.
И републикански и демократски сенатори претходно изразија резерви кон Пулти, наведувајќи дека тој нема искуство во разузнавачкиот сектор.
Во меѓувреме, претходното раководство на Канцеларијата на директорот на националното разузнавање најави планови за намалување на бројот на вработени во институцијата, која има клучна улога во координацијата на американските разузнавачки служби.
Дел од демократите изразија загриженост и во врска со Клејтон. Причина за тоа беше неговиот настап на сослушувањето пред Сенатската комисија за разузнавање пред две недели, кога одби недвосмислено да потврди дека Џо Бајден победил на претседателските избори во 2020 година против Доналд Трамп.
МОЖЕБИ ЌЕ ВЕ ИНТЕРЕСИРА:
