64 годишната Лесли Максвел од Австралија го привлече вниманието и ги запали социјалните мрежи со своето извајано тело.
Имено таа е фитнес инструктор и личен тренер а вели дека тоа што е во седмата деценија од животот не и претставува никаква пречка да се чувствува убаво и да се грижи за своето тело и здравје.
Лесли со години се занимава со фитнес и работи како личен тренер, а на социјалната мрежа Инстаграм има армија обожаватели на кои несебично им дава совети како да останат во добра форма или да ослабат.
Затоа, таа решила на крајот на годината да ги сподели своите совети кои вредат злато.
Оваа баба реши на своите придружници да им помогне да го пребродат зимскиот период, кога повеќето луѓе се дебелеат – поради недостаток на физичка активност и уживање во висококалорична храна.
Сепак, Лесли не е сама во сето ова. Таа и нејзината внука Тиа (20) одат заедно во теретана и имаат за цел да им всадат здрави животни навики кај луѓето.
– Свесна сум колку им е тешко на луѓето да не ја јадат сета таа празнична храна. Но, на телото му треба малку за да се навикне на добрата исхрана – вели Лесли.
Според неа, во овој период треба да се внесуваат повеќе протеини во вид на месо, а помалку колачи, алкохол и јаглехидрати.
– Најдобро би било да се договорите со семејството или партнерот да истраеме заедно, бидејќи нема ништо подобро од тоа кога имате поддршка. Се трудите да вежбате секој ден, а ќе се изненадите од фактот дека само 15 минути активирање дневно може да донесе резултати – советува оваа баба.
Таа признава дека кога била млада не внимавала на исхраната и дека дури на 50 години почнала да се грижи за своето здравје.
– Смешно е колку малку му треба на човек за да се подмлади. Сега ми приоѓаат помлади момци и не ми веруваат кога ќе им кажам дека Тиа е моја внука. Многумина мислат дека јас сум нејзина постара сестра – низ насмевка вели Лесли и додава:
– Имаше ситуации кога ми пријде 18-годишно дете. Секако дека би излажала ако кажам дека не ми ласка, и тоа е доказ дека годините не се пречка да изгледам убаво.
