Меѓународната агенција за енергија (ИЕА) соопшти дека ќе ослободи 400 милиони барели нафта од своите стратешки резерви, што претставува најголемо ослободување во историјата на организацијата.
Одлуката ја објави извршниот директор на ИЕА, Фатих Бирол, во изјава објавена на официјалната веб-страница на агенцијата.
Според Бирол, конфликтот на Блискиот Исток има силно влијание врз глобалните енергетски пазари, при што азиските земји се меѓу најпогодените од нарушувањата во снабдувањето.
Тој нагласи дека одлуката за користење на дел од стратешките резерви била донесена едногласно од 32-те земји членки на ИЕА. Ослободувањето на нафтата ќе се реализира во временска рамка што ќе ја одредат земјите членки, во зависност од условите на нивните пазари.
Енергетските пазари се под силен притисок откако конфликтот на Блискиот Исток го попречи транспортот низ Ормутскиот теснец – еден од најважните морски патишта за светската трговија со нафта, низ кој поминуваат околу 20 проценти од глобалните испораки. Поради тоа, цените на енергенсите на светските пазари бележат значителен раст.
МОЖЕБИ ЌЕ ВЕ ИНТЕРЕСИРА:
