Во моментот нема изгледи за политичко-дипломатско решение на ситуацијата во Украина, изјави портпаролот на Кремљ, Дмитриј Песков.
-Во моментот таквите перспективи не се видливи, изјави Песков за „Интерфакс“ зборувајќи за можностите за решавање на ситуацијата во Украина преку политички и дипломатски средства.
Во меѓувреме, турскиот претседател Реџеп Таип Ердоган изјави дека „Москва сака конфликтот да заврши што е можно побргу“. Тој изјави дека неодамна се сретнал со претседателот на Русија, Владимир Путин, во Узбекистан и дека имал многу опсежни разговори со него.
-Сè што сакаме е конфликтот во Украина, во кој има многу жртви и во кој не може да има победник, да заврши мирно, а многу е важен рускиот став да сака сè да заврши што побргу, рече Ердоган.
МОЖЕБИ ЌЕ ВЕ ИНТЕРЕСИРА:
