Капитенот на македонската ракометна репрезентација Филип Кузмановски по поразот од Данска (24-36) на стартот на Европското првенство истакна дека клучните натпревари во групата Б допрва следуваат – против Португалија и Романија.
Кузмановски призна дека Македонија во грч го отворила натпреварот и дека изненадување против Данска било исклучително тешко, со оглед на квалитетот на противникот, кој според него е прв фаворит за титулата.
„Ќе го анализираме овој меч, но нашиот вистински фокус се Португалија и Романија“, нагласи капитенот, додавајќи дека очекува тимот да биде поопуштен и посигурен на следните два дуела.
Тој потенцира дека подготовките биле темелни и дека репрезентацијата знае од каде доаѓа опасноста од следните противници, а мечот со Данска го оцени како добар тест за предизвиците што следуваат.
МОЖЕБИ ЌЕ ВЕ ИНТЕРЕСИРА:
