На една млада жена ѝ се чинело дека лажирањето на опасна болест е идеалниот начин да собере огромна сума пари за кратко време.
Во намерата да грабне малку богатство за себе, успеала многу брзо и тоа откако отворила профил на „GoFundMe“. Нејзината цел всушност била со собраните пари да организира свадба од соништата. Сепак, прилично сме сигурни дека дефинитивно постои подобар начин да добиете пари од други, наместо да глумите болест.
За жал, оваа млада жена мислела дека е одлична идеја да лажира рак за да го добие она што го сака.
Психолозите тврдат дека е потребно многу ментална енергија за воопшто да се лаже; а далеку е потешко кога човек тоа го прави со месеци. За Тони Станден (29) ова очигледно било само формалност. Таа ја креирала страницата „GoFundMe“ во јули 2017. Објавила фотографија, а под неа дала објаснување. Не се двоумела да напише дека и останале само уште неколку месеци живот бидејќи и бил дијагностициран рак.
Во следните месеци направила се што е во нејзина моќ да биде убедлива. За време на месеците кога ги принудувала другите да донираат пари за нејзината цел, собрала 11.000 долари. Поради тоа, Судот за прекршоци во Честер ја осуди на пет месеци затвор. Дури доби наредба и да врати 2.700 долари донирани од локална компанија.
Колку повеќе Стенден го лажирала ракот, толку подлабоко тонела во оваа лага. Уште повознемирувачки е што нејзиниот иден сопруг немал поим дека таа лаже. И тој бил жртва во целиот овој потфат. Џејмс бил убеден дека неговата вереница е навистина смртно болна. Таа ги лажела и своите пријатели и секој пат толку живо го опишувала своето искуство што никој не ни помислил дека може да лаже.
Повеќе на: www.vecer.mk
