Аргентинскиот фудбалер нема повеќе да го носи дресот на Барселона. Оваа информација пред неколку дена доби потврда од страна на каталонскиот гигант, а денес, аргентинскиот ас со прес-конференција на „Камп Ноу“ ќе се збогува со своите фанови.
На прошталната прес-конференција присуствуваше семејството на Меси како и целото раководство на Барса.
„Барселона е нашиот дом. Времето што го поминавме тука беше фантастично. Денес морам да кажам збогум . Цел живот го поминав тука. По 21 година, заминувам со мојата сопруга и не можам да кажам дека нема да се вратиме, затоа што ова е нашиот дом. Големо благодарам до клубот, тренерите, соиграчите, пријателите, луѓето кои беа таму секој ден, сите ми покажуваа голема почит Убави спомени, убави емоции. Имаше убави, но и лоши работи, но сето тоа ме обликуваше како личност. Дадов што имам за овој клуб, за овој дрес од првиот ден кога дојдов тука. Сега заминувам“, кажа Меси.
Многу клубови се заинтересирани за мене. Имам многу повици, но засега со никој од нив немам договор. Ќе видиме наскоро што ќе биде и каде ќе одам. ПСЖ не е единствениот клуб што ме бара, но е една од опциите“, вели Меси.
