Министерството за внатрешни работи информира дека е расчистен случајот со насилство врз 14-годишна девојка во Куманово, при што е поднесена кривична пријава против 18-годишна девојка и две малолетнички.
Од СВР Куманово соопштија дека кривична пријава е поднесена против П.А. (18) од село Лојане, Општина Липково, како и против две малолетнички од Куманово на возраст од 14 и 15 години, поради сомнение дека сториле кривично дело „насилство“ согласно член 386 став 3 од Кривичниот законик.
Според информациите од полицијата, на 13 март околу 18:00 часот, пријавените ја повикале 14-годишната девојка да излезе од нејзиниот дом, по што ја однеле во просторија во близина на спортскиот центар „Соколана“ во Куманово.
Таму, според пријавата, најпрво ја навредувале, а потоа физички ја нападнале, при што целиот настан бил снимен со мобилен телефон.
По нападот, осомничените ѝ се заканиле на малолетничката да не го пријавува случајот и да не зборува за видеото, упатувајќи ѝ закани дека ќе има последици доколку го открие настанот.
Од МВР информираат дека случајот е целосно документиран и дека против пријавените ќе продолжи соодветната постапка пред надлежните органи.
МОЖЕБИ ЌЕ ВЕ ИНТЕРЕСИРА:
