Во последниот натпревар од 24. коло во ПМФЛ, Шкупи доживеа нов пораз откако како „домаќин“ во Куманово загуби од Башкими со 2:3, иако имаше сигурно водство од два гола.
Чаирчани одиграа одличен старт на второто полувреме и со головите на Зибери и Асани во 48. и 50. минута поведоа со 2:0. Наместо да ја задржат предноста и да ја контролираат играта, тие продолжија офанзивно, што на крајот се покажа како клучна грешка.
Башкими успеа да се врати во натпреварот во завршницата. Личина намали на 2:1 во 78. минута, а само неколку минути подоцна Ферати си постигна автогол за израмнување. Целосниот пресврт го комплетираше Рибеиро во 88. минута, носејќи им голема победа на гостите.
Со овој пораз, Шкупи останува без победа во шампионатот и со само еден освоен бод, додека Башкими успеа да стигне до триумф по слаб настап во поголемиот дел од мечот.
МОЖЕБИ ЌЕ ВЕ ИНТЕРЕСИРА:
