Автоматите за брза храна во Јапонија, каде што може да се купат готови оброци со месо од кит, полжави или јастиви инсекти, од неодамна на купувачите им нудат и месо од дива мечка.
Различни парчиња од тамошната црна мечка се продаваат во машините во градот Сембоку. Месото се нуди по 2.200 јени (околу 940 македонски денари) за порција од 250 грама, објави јапонскиот дневен весник „Маиничи Шимбун“.
Машините за брза храна што му припаѓаат на ресторанот „Соба Горо“ продаваат 10-15 пакувања месо од мечка во седмицата. Азиските црни мечки, инаку, се сметаат за загрозен вид, но властите во овој град во северна Јапонија, тврдат дека го ограничуваат и контролираат бројот животни коишто може да бидат застрелани.
МОЖЕБИ ЌЕ ВЕ ИНТЕРЕСИРА:
