На 100 дена од својот мандат, градоначалникот на Скопје, Орце Ѓорѓиевски, порача дека градот знае и ќе оди напред, истакнувајќи дека ова е само почеток. Настанот се одржа под мотото „Скопје го градиме заедно“.
– Стојам пред вас како човек кој ја презеде најтешката задача – да го извлече Скопје од хаосот и долговите наследени од претходното владеење. Наследивме урнат град, институции без ред и дисциплина и систем што одамна престанал да работи. Влеговме директно во срцето на проблемите, во секоја девастирана пора оставена од претходниците. Градот беше претворен во депонија, машини расипани, автобуси затворени во гаражи и сето тоа со долг од речиси 300 милиони евра. Целосен колапс без преседан. Но, како тим, добивме нешто поважно – довербата на Скопјани. Си дадов збор дека никогаш нема да ја изневерам и дека ќе работиме често и одговорно до крај – рече Ѓорѓиевски во Македонската филхармонија.
Во изминатите 100 дена, долгот на градот е намален за повеќе од 40 милиони евра преку кратење на непродуктивни трошоци и зголемување на приходите преку финансиска дисциплина. Решен е проблемот со неисплатени плати на вработените во јавните претпријатија, а во тек е ревизија и реорганизација на градската управа за поголема ефикасност и работа во служба на граѓаните.
Во наредниот период, Градот најавува изградба на кружни текови кон центарот и првата подземна сообраќајница, монтажни гаражи, решавање на проблемот со уличните кучиња, проширување на капацитетите на Лајка, изградба на зелени површини и соодветен третман на депониите, како и реализација на други проекти од интерес на граѓаните.
МОЖЕБИ ЌЕ ВЕ ИНТЕРЕСИРА:
