Марина Јацко, заедно со нејзиното момче Федор, итно се отрчале во болница во петокот, откако нејзиниот 18-месечен син Кирил бил ранет во гранатирањето во Мариупол, Украина.
Фотографот на Асошиетед прес Евгениј Малолетка фотографирал моменти додека медицинските работници избезумени се обидувале да го спасат животот на детето.
Клучниот град Мариупол е под опсада на руските сили. Во саботата, украинските власти ја обвинија Русија дека го гранатирала градот и цивилните коридори кои водат од него, и покрај дадената согласност да се прекине огнот за цивилите да моѓат да заминат.
Западните власти забележаа промена во стратегијата на Русија со зголемени напади врз цивили и станбени населби.
Според податоците на Обединетите нации, во Украина се убиени најмалку 351 цивил, а 707 лица се повредени. Сепак, се смета дека реално бројките се поголеми. За многу извештаи сè уште се чека потврда.
