Официјалните резултати од обдукцијата потврдија дека младата сараевска инфлуенсерка и шминкерка Адна Ровчанин-Омербеговиќ (26) починала од менингитис – опасно воспаление на мозочните мембрани кое може да биде фатално за само неколку часа.
Трагедијата се случила само два дена по нејзината свадба, која се одржала на 13 септември 2025 година.
Наместо да биде ден за паметење со задоволство, прославата се претвори во трагедија. Адна се разболе за време на свадбената прослава и беше итно однесена во Клиничкиот центар на Универзитетот во Сараево (KCUS).
И покрај сите напори на лекарите, таа почина во понеделник, на 15 септември.
Адна беше позната како успешна козметичарка, сопственичка на салон во Сараево и една од најпрепознатливите влијателни личности на социјалните мрежи.
Нејзината ненадејна смрт предизвика голем шок и тага кај семејството, пријателите и пошироката јавност, а социјалните мрежи беа исполнети со емотивни пораки за збогување.
МОЖЕБИ ЌЕ ВЕ ИНТЕРЕСИРА:
