ДУИ ќе го одржи својот петти конгрес на 20 декември, кој партијата го најавува како важен за утврдување на идниот политички, организациски и програмски правец.
Генералниот Совет денеска одржа седница посветена на актуелните политички состојби и реформските процеси. Во соопштението се наведува дека членовите ги анализирале клучните насоки на домашната и надворешната политика, повторно потврдувајќи ја улогата на ДУИ како фактор на стабилност и партнер во евроатлантските интеграции.
Централна тема била подготовката за конгресот, кој се оценува како важен за политичката визија на партијата, зајакнување на внатрепартиската демократија и организациска подготвеност за идните предизвици.
Партијата најавува дека во наредниот период ќе ги засили сите организациски активности, со цел конгресот да се одржи транспарентно, ефикасно и со вклученост на сите делегати и партиски органи.
МОЖЕБИ ЌЕ ВЕ ИНТЕРЕСИРА:
