На 7 декември 2025 година, на автопатот Табановце–Куманово, полициски службеници од Мобилната единица за компензаторни мерки при Одделот за гранични работи и миграции ги привеле Л.А. (32) од селото Никуштак и А.Ш. (32) од Скопје.
При сообраќајна контрола било запрено патничко возило марка „Мерцедес“ со скопски регистарски таблички, управувано од Л.А., во кое како сопатник се наоѓал А.Ш. За време на прегледот на возилото, полицијата пронашла вкупно 237 парчиња нов, неупотребуван рачен, батериски и електричен алат, за кој не била приложена соодветна документација.
Возилото и алатот се одземени, а приведените лица се задржани во Полициската станица за граничен надзор „Табановце“. По целосно документирање на случајот, против нив ќе биде поднесен соодветен поднесок по член 278-б и член 235 од Кривичниот законик.
