Полициски службеници од Оперативен тим потраги при СВР Скопје во содејство со Единицата за интервентна полиција при СВР Скопје денеска во 3.30 часот во Арачиново ги лишиле од слобода А.Љ.(31) и А.С.(35), двајцата од ова скопско село, информираат од Министерството за внатрешни работи (МВР)
„А.Љ. бил осуден на казна затвор од осум години и шест месеци за сторени кривични дела „криумчарење мигранти“ по член 418 од Кривичниот законик, а бил баран по централна потерница врз основа на наредба од Казнено-поправната установа Затвор Идризово поради бегство од затворот, каде што имал за доиздржување четири години и три месеци од казната“, се вели во полициското соопштение.
А.С. бил баран по потерница врз основа на судска наредба за издржување казна затвор од 10 месеци за сторено кривично дело „загрозување на сигурноста“ по член 144 од Кривичниот законик.
„Лицата биле предадени во Полициската станица Гази Баба, по што ќе бидат спроведено во надлежнита казнено-поправни установи за издржување на казните“, наведува Министерството за внатрешни работи.
МОЖЕБИ ЌЕ ВЕ ИНТЕРЕСИРА:
