Општина Ресен го продолжи рокот за пријавување на штети предизвикани од природната непогода – голомразица, која во почетокот на мај го зафати подрачјето на општината.
Од локалната самоуправа информираат дека земјоделците ќе можат да поднесуваат пријави за настанатите штети најдоцна до 30 јуни.
Станува збор за штети предизвикани од голомразицата регистрирана во периодот од 1 до 4 мај годинава, која нанесе последици врз земјоделските насади во ресенскиот регион.
Од Општина Ресен појаснуваат дека пријавувањето треба да се врши согласно насадената површина, односно според површините што сопствениците ги имаат евидентирано во Единствениот регистар на земјоделски стопанства при Министерството за земјоделство, шумарство и водостопанство.
Надлежните ги повикуваат сите земјоделци кои претрпеле штети навремено да поднесат барања за евидентирање на последиците од природната непогода.
МОЖЕБИ ЌЕ ВЕ ИНТЕРЕСИРА:
