Виница, Неготино, Пелагонија, Тетово се само дел од Македонија во кои поројните дождови предизвикаа огромни штети во текот на ноќта, а како што веќе претходно објавивме, жители на Лажани, општина Долнени, со трактори беа евакуирани од своите домови. Според градоначалникот на Долнени, Урим Ибески, повредени жители нема, а причината за поплавите вели тој, е што се излеала реката, па заради несовесното градење и многу отпад, го поплавила селото.
Според информациите од Центарот за управување со кризи, од изутрината водата веќе почнала да се повлекува, а во целата оптшина Долнени струјата била исклучена за да не дојде до поголеми трагедии или оштеттување на мрежата.
Во другите споменати места евакуација нема, но веќе се регистрирани поплавени домови, излеани шахти, гаражи и куќи… Во Неготино се регистрирани оштетени домови. Силен дожд врнеше и во Битола и Крушево, а поради паднато дрво вчера неколку часа во прекин беше и сообраќајот во двата правци на патот Битола – Меџитлија.
Во Виница, првичната проценка е дека се поплавени 30 до 40 објекти, а таму наврнало најмногу дожд на метар квадратен, односно 55 литри.
Тетово пак страда на секое невреме. И ова не беше исклучок, па луѓето цела ноќ вадеа вода од поплавени подруми, гаражи и куќи.
МОЖЕБИ ЌЕ ВЕ ИНТЕРЕСИРА:
