Спортот не треба да трпи поради политиката. Ова е во кратко она на што укажа легендарниот црногорски фудбалер, сегашен претседател на Фудбалската федерација на Црна Гора, Дејан Савичевиќ. Реакцијата му е поради најавите дека разни федерации нема да дозволат настап на руските спортисти низ светот.
Савичевиќ застана во одбрана на руските спортисти, смета дека тие не треба да бидат суспендирани, а јасно ја нападна политиката на рускиот претседател Путин.
Тој се потсети на годините кога се распаѓаше Југославија и кога имаше војна поради која беа суспендирани југословенските спортисти. Во 1992 година поради војна на Југославија ѝ беше одземен настапот на Европското првенство иако таа избори пласман на зелениот терен.
-Спортистите не се виновни за ништо што се случува, јас најдобро го знам тоа, затоа што го доживеавме во 1992 година кога на Југославија не ѝ беше дозволено да игра на Европското првенство.
„Не сакам да го бранам Путин, но на своја кожа доживеав исклучување од првенство поради политичка причина. Играњето фудбал, играњето натпревари во секој спорт е порака на мир. Руските фудбалери и другите спортисти од оваа земја немаат никаква врска со Путин, како што ние од таа југословенска генерација немавме врска со војната во Југославија пред 30 години, истакна познатиот фудбалер.
МОЖЕБИ ЌЕ ВЕ ИНТЕРЕСИРА:
