Поголемиот дел од Грција е погоден од многу обилни врнежи од дожд. Обилните врнежи од дожд беа придружени со грмотевици. Исто така, има бури на многу локации. Најкритична е ситуацијата во регионот на Егејското Море, каде што веќе се случија големи поплави. Пороите однесоа сè на својот пат.
Најобилни врнежи од дожд се очекуваат во регионот на Егејското Море и во Северна Грција. Се очекува да наврнат уште 100 до 200 литри дожд на квадратен метар, локално до 300 и повеќе, што е количината што паѓа во просек за половина година.
Овие области ќе бидат загрозени од нови поплави и порои, поради што постои потенцијален ризик од големи материјални штети, а бурите и врнежите од дожд ќе бидат потенцијално опасни за човечкиот живот.
Обилни врнежи од дожд и силни бури се очекуваат и во поширокото подрачје на Солун, со ризик од поплави и порои.
Многу лошо време ќе трае до крајот на неделата, а снег ќе падне на повисоките планини.
Бурно време и обилни врнежи од дожд ќе се прошират кон запад и југ од Турција, а на некои места многу обилни врнежи од дожд ќе ги зафатат југот и југоистокот од Македонија и југозападниот дел од Бугарија.
МОЖЕБИ ЌЕ ВЕ ИНТЕРЕСИРА:
