Зоолошката градина во Скопје се почесто е омилено место за луѓето кои сакаат да станат популарни со нивните несовесни постапки на социјалните мрежи. Сепак, се поставува прашањето дали некои луѓе имаат воопшто домашна култура и воспитување?
Најново видео што кружи денеска е поставено на „Тик-Ток“, каде посетител на несовесен и вулгарен начин ги вознемирува магарињата во нивниот простор.
Претходно имаше видео во кое девојче исто така направи погрешен чекор, па потоа мораше да излезе со извинување и демант дека сакала да ги вознемирува животните.
За тогашниоот настан се огласи и ЗОО СКОПЈЕ. Еве што тие напишаа тогаш:
Видеото е споделено на Инстаграм профилот на Зоо Скопје а е преземено од социјалната мрежа Тик Ток каде девојката сама го објавила.
„Студентка по криминологија на факултет за безбедност. Доаѓа во Зоо Скопје да се иживува врз животни и да си го ризикува животот.
Секако, ќе си добие соодветна пријава , а ваквото однесување е недозволиво!
п.с Чекаме едно исто вакво видео со јавно извинување“, стои во објавата на Инстаграм.