Тело во фаза на распаѓање на непознато лице во петокот е извлечено од Дунав кај Костолац. Се проверува дали се работи за Матеј Периш, сплиќанецот кој исчезна во Белград ноќта меѓу 30 и 31 декември минатата година.
Извор од истрагата наведува дека во овој момент се претпоставува дека не се работи за исчезнатиот Периш, но дека оваа можност дефинитивно се проверува. Телото било во фаза на распаѓање. Имено, клучниот детал што ја побива тезата дека се работи за Матеј е дека телото е пронајдено во напредна фаза на распаѓање, што значи дека е во вода најмалку шест месеци. Исто така, патиката пронајдена на телото не соодветствува со описот на оние патики кои Матеј ги носел ноќта на исчезнувањето, што го потврди и Ненад Периш.
Според информациите од Полициската управа на Пожаревац, дежурниот обвинител наредил обдукција на телото, за да се изврши идентификација и евентуално да се утврдат причините за смртта.
Таткото на исчезнатиот, Ненад Периш изјави дека се уште нема информации и дека чека.
– Немам информации од полицијата. Чекам да ми се јават. Не сакам да шпекулирам. Мене само ме интересира вистината кога е син ми Матеј во прашање, изјави Ненад.
Потрагата по исчезнатиот сплитчанец трае повеќе од два месеци. Младиот човек исчезна ноќта помеѓу 30 и 31 декември 2021 година. Неговите пријатели последен пат го виделе во Готик клуб, по што изгубиле контакт.
МОЖЕБИ ЌЕ ВЕ ИНТЕРЕСИРА:
