До четврток времето во Македонија ќе се задржи претежно топло и летно, со дневни температури кои на повеќе места ќе достигнуваат од 26 до 34 степени Целзиусови. Во Скопје максималната температура ќе се искачува до околу 32 степени.
Во утринските и претпладневните часови ќе преовладува сончево и стабилно време со мала до умерена облачност. Сепак, во попладневните часови се очекува развој на нестабилна облачност, која локално ќе донесе пороен дожд, грмежи и засилен ветер.
Поради високите температури и големата енергија во атмосферата, на одделни места се можни поинтензивни временски процеси. Постои ризик од невреме проследено со обилни врнежи, силни електрични празнења, засилен ветер и појава на град, кој локално може да биде и со поголема големина.
Нестабилноста нема да ја одмине ниту Скопската Котлина, каде во попладневните часови исто така ќе има услови за пороен дожд, грмежи, силен ветер и локална појава на град.
МОЖЕБИ ЌЕ ВЕ ИНТЕРЕСИРА:
