Сообраќајот на државните патишта низ Северна Македонија се одвива непречено, по наместа влажни коловози, информира АМСМ.
Намалена видливост поради појава на магла од 20 до 30 метри има на патниот правец меѓу селото Лисец и Попова Шапка, поради што се препорачува внимателно управување со возилата.
Интензитетот на сообраќајот на патните правци надвор од градските средини е умерен, додека на граничните премини, од македонска страна, засега нема подолги задржувања за влез и излез од државата.
Од АМСМ апелираат возачите да се движат со прилагодена брзина, да ја почитуваат поставената сообраќајна сигнализација и да управуваат внимателно, особено на патиштата што минуваат низ котлини, речни долини и клисури каде постои можност од појава на одрони.
Како делници на кои е потребна дополнителна внимателност се посочуваат патните правци Катланово – Велес, Маврово – Дебар – Струга, како и делниците Виница – Берово и Кочани – Делчево.
Воедно, потсетуваат дека сè уште е во сила законската обврска за задолжително поседување зимска опрема во возилата.
МОЖЕБИ ЌЕ ВЕ ИНТЕРЕСИРА:
