По повеќе од 30 години, Македонија повторно ќе добие средно полициско училиште. Владата донесе одлука за формирање на Средно училиште при Министерството за внатрешни работи, кое ќе започне со работа од учебната 2026/2027 година.
Новата образовна институција ќе биде наменета за подготовка и стручно оспособување на идни полициски службеници, преку наставни програми усогласени со современите стандарди и потребите на безбедносниот сектор.
Од Владата истакнуваат дека формирањето на училиштето има за цел создавање квалификуван кадар уште од средношколска возраст, како и обезбедување долгорочно решение за недостигот од полициски службеници во земјата.
Со отворањето на ова училиште повторно ќе се воспостави средно полициско образование, кое беше прекинато пред повеќе од три децении. Станува збор за прво вакво училиште по згаснувањето на поранешната полициска образовна институција „Панче Караѓозов“.
Надлежните очекуваат новото училиште да придонесе за создавање професионални и подготвени кадри кои во иднина ќе бидат дел од безбедносниот систем на државата.
МОЖЕБИ ЌЕ ВЕ ИНТЕРЕСИРА:
