ВМРО-ДПМНЕ реагираше на денешната прес-конференција на претседателот на СДСМ, Венко Филипче, кој изјави дека е загрижен за стандардот на граѓаните и пензионерите. Од партијата велат дека ваквите изјави се „лицемерни“ и потсетуваат дека токму Филипче бил дел од поранешната влада на СДСМ, која – според нив – ги оставила пензионерите со минимални и понижувачки зголемувања.
„Аман Филипче, не се грижи! Заборавил ли дека беше дел од владата на СДСМ која на пензионерите им даваше симболични зголемувања од стотина денари, а во одредени периоди и околу илјада денари? Тој и неговите сопартијци ги понижуваа пензионерите, наместо да им помогнат. Вака ли се грижеа тие за највозрасните граѓани?“, стои во реакцијата на ВМРО-ДПМНЕ.
Од опозициската партија дополнително наведуваат дека СДСМ, како политичка структура, ја претворила државата во место на понижување, ниски примања и дезинформации, а дека интересите на поединци биле пред интересите на граѓаните.
„СДСМ е партија на која приоритет ѝ е личниот џеб на поединците. Филипче, ако навистина сака добро за граѓаните, нека собере сила и нека си замине од СДСМ. Ние во ВМРО-ДПМНЕ не ги познаваме тие поими. Нашата партија се грижи за секој граѓанин подеднакво, што неодамна го потврди и народот со својата доверба“, порачува партијата во соопштението.
МОЖЕБИ ЌЕ ВЕ ИНТЕРЕСИРА:
