Дел од граѓаните кои треба да платат данок на доход за работата во странство бараат пролонгирање на рокот. Околу 4000 евра данок на приход остварен во странство за 2020 година треба да плати Зоран Наковски од Куманово, но осве него уште илјадници негови сограѓани се соочени со иста обврска спрема државата.
Најголемиот дел од нив работеле во американските бази во Ирак и Аганистан. Зоран вели дека со години наназад прашувале во домашните институции дали треба да платат данок но како што вели секогаш добивале одговор дека тие пари се оданочувани негде.
-Јас сум над 20 години таму, со неколку прекини имам 15 години работено на тие проекти. Сум бил и во Ирак и во Авганистан. Тешко се заработени тие пари, во лоши услови, многумина од нас и не се вратија дома живи. Јас имам да платам приближно 4 илјади евра само за таа година. Одеднаш сега да се враќаме 5 години наназад во 20 дена рок да доставиме ние информации и да побараме од нашите фирми каде се плажале даноците колку се плаќале, ние ќе ги најдеме тие документи само ни треба време, вели за Канал 5 Зоран Наковски, жител на Куманово.
Голем број Кумановци вчера излегоа на протест пред канцеларијата на УЈП откако измнитатите денови добиле информативен маил дека им се најдени приливи во странство. Побарано било од нив и да докажат дека повеќе од 183 дена биле надвор од државата со што не би се сметале за даночни резиденти, но како што вели Зоран Наковски, попусти биле обидите да обезбедат таков доказ бидејќи МВР како што им кажале, не чува податоци од пред 5 години.
Вели дека не се против плаќање данок, но бараат од УЈП да го пролонгира рокот од 15 јануари за да докажат дека данокот е платен.
-Не се оградуваме дека не сакаме да ги платиме даноците, ние не сме против плаќање на данок, но сме против селективно толкување на законите што не притискаат и што не ни дозволуваат доволно време да најдеме рокови. Да изготвиме информации што ќе докажеме дека тие наши фирми плаќале даноци каде што сме работеле и да бидеме на чисто.
УЈП вчера соопштија дека не се работи за нова даночна обврска туку во минатото не била доследно применувана а евентуеалните пропусти во минатото, велат се прашање на претходната раководна структура.
– Нагласуваме дека резидентите кои за остварениот доход веќе платиле данок во странство нема да бидат двојно оданочени. Законот и договорите за одбегнување на двојно оданочување овозможуваат признавање на платениот данок во странство како даночен кредит, или враќање на платениот данок во странство врз основа на докази, со што се обезбедува правичен и законски третман на сите граѓани без исклучок, велат од УЈП.
Дали УЈП ќе го пролонгира рокот како што бараат ѓраѓани од Куманово одговор нема. ниту претходното раководство не одговори околу прозивките за пропустите.
Жители на Куманово велат дека ако УЈП се согласи со пролонгирање на рокот ќе престанат со протестите а во меѓувреме се реорганизираат со засегнати граѓани и од други градови.
МОЖЕБИ ЌЕ ВЕ ИНТЕРЕСИРА:
