Македонските граѓани синоќа беа сведоци на шокантно зголемување на цените на моторните бензини и на дизел гориовото за 5,50 и 10 денари по литар. Да биде уште позагрижувачко, состојбите на светскиот пазар на горива е нестабилна и многу познавачи најавуваат и нови повисоки цени. Што прави Владата ова да го ублажи?
Првиот човек на Регулаторна комисија за енергетика Марко Бислимовски најави дека одлуките за цената на горивата во иднина ќе се носат и дневно, зависно од берзанските движење. По ова покачување, се очекуваат и зголемувања на други цени на производи во чие создавање значително учествуваат енергенсите.
По ваквите поскапувања мошне важно е да се преземат и конкретни мерки со цел ударот на поскапувањето да се ублажи. Таква цел имаше и неодамнешното барање на опозициската партија ВМРО-ДПМНЕ акцизата која се плаќа на горивата да се намали за 50 проценти. Со тоа, цените на горивата сега би биле помали за по 10-15 денари и граѓаните полесно би го поднеле товарот. Односно, државата со тоа што би се откажала од прибирање на дел од парите преку акцизите кои се плаќаат при купувањето на горивата, би им помогнала на граѓаните. Од друга страна Владата треба да штеди на непродуктивни трошоци и да го намали проблемот кој би настанал поради попразна државна каса.
Но, Владата тоа не го прифати туку се смета дека актуелните решенија преку варијабилната акциза на горивата даваат ефект за ублажување на ценовниот шок. За разлика од Македонија, други земји во регионот сепак ќе ги намалат акцизите или ги замрзнуваат цените на горивата. Зошто тоа не се направи во Македонија?
Инаку, многу граѓани преку социјалните мрежи бараат и да се намалат цените на патарините во овие моменти на криза.
