Мајката Налиље А. која ја продаваше малолетната ќерка и експолицаецот Александар Костовски кој го силувал девојчето и нејзиниот брат признаа вина. Судијката Софче Гаврилова-Ефремова ги огласи за виновни и изрече казни. Мајката доби затворска казна од 15 години, а експолицаецот 18 години. И двајцата остануваат во притвор, се до правосилноста на пресудата. Двајцата беа гонети за трговија со дете, а експолицаецот дополнително е осуден и за кривичното дело силување.
-Александар Костовски е виновен за крквичните дела за кои се товареше трговија со дете и за силување. Осудата на судот е следната, го прифативме признанието на вина, кажавме дека истото се цени и прифаќа. По извешеното испитување прифативме дека е дадено доброволна и при потпилна свесност. Предудата се должи врз основа на признание на вина. За трговија со дете каде минимум е 12 години, судот утведува 15 години затвор. За силување, каде е придведена од една до 10 години се досудува единствена казна четири години. Се изрекува единствена казна од 18 години каде се засметува и времето поминато во притвор. Пред јавеното имотно правно барање, ќе биде усвоено во целост, кажа судијката Софче Гаврилова-Ефремова.
Малолетното девојче било малтретирано и од двајцата родители. Мајката Налиље избегала од дома и ја повела ќерката. Таа пред судот призна дека ја запознала ќерка ѝ со поранешниот полицаец, па употребувајќи физичка сила ја носела во неговата куќа и за паричен надомест од по 2.000 денари, а понекогаш и од по 500 денари му овозможила да врши полови дејствија со малолетничката. Поранешниот полицаец, користел сексуални услуги од дете кое не наполнило 14 години.
Александар Костовски, во моментот кога ги силувал девојчето и момчето не бил дел од МВР. Тој пред судот призна дека три години во својата куќа, која сега е продадена, користел сексуални услуги од девојчето. Истиот во текот на месец декември 2018 година, со употреба на сила и закана дека непосредно ќе нападне врз неговиот живот, извршил и друго полово дејствие врз малолетниот брат на девојчето.
